Hileko artxiboak: otsaila 2018

Inauteriak ere online!

Sailkatu gabea

Batzuek pentsatzen dute bakarrik eta ordenagailu aurrean aritzea-online ikastea-aspergarria dela, baina ez da horrela!  AEKren E-uskaltegian dabiltzan ikasleek tarteka kultur ekintzetan parte hartzen dute; bai horixe!

Talde ezberdinetan inauteriak lantzen aritu gara. Euskal Herriko hainbat herritan nola ospatzen diren ikusi  zuten. Horrezaz gain, munduan zehar ere nola ospatzen diren kontatu digute blogean. Esate baterako, Arantzak Kanarian eta Josebak Rio de Janeiron. A ze martxa! Tutoreek mozorrotzeko erronka bota eta inauteri egunetan mintza-saioak mozorrotuta egitea erabaki zuten ikasleek.   Jarraitu Inauteriak ere online! irakurtzen →

Hainbat APP interesgarri

Sailkatu gabea,

Eskuko telefonoetan erabiltzen ditugun APPak ere tresna erabilgarriak dira euskara hobetzeko. Gero eta gehiago daude. Begiratu besterik ez, Euskal Apps! Horietako batzuk ezagutu eta interesgarriak iruditu zaizkigunak zerrendatu ditugu. Ezagutu nahi?

Adizkitegia Bertan aditz trinkoak bi eratara landu daitezke: lehenengoan, aditzak jokatzeko aukera ematen du; bigarrenean, berriz, aditz trinkoa jokatua sartu ondoren, honi buruzko informazio guztia (modua, aldia…) botatzen du.

Euskalmoji Lagunen artean euskal emotikonoak bidaltzeko aplikazioa.

Elhuyar Hiztegiak Eskura izateko eta euskara ikasteko, lagungarri izango duguna.

EGAapp  Aplikazio horren bidez atarikoak, sinonimoak eta berridazketak landu daitezke.

JAKINA Euskal tribiala dibertigarria da eta euskaraz praktikatu eta gauza berriak ikas ditzakegu ondo pasatzen

Badakizue, probatu!!!

AIZU! aldizkariko albistearen kontakizuna

B2, , , , ,

AIZU! aldizkariaren urtarrileko alean argitaratutako zenbait albisteren kontakizuna egin dute B2ko ikasleek bideoan. Ikaskideek egindako azalpen guztiak entzun, eta gehien gustatu zaiena hautatu dute blogean jartzeko. Sarayrena aukeratu dute, oso ondo azaldu duelako eta gaia interesgarria iruditu zaielako. Hauxe da Sarayren azalpena, turismoaren inguruko albiste honetan oinarritua.

gaindegia