Xavi Reusekoa da eta bertan bizi da eta euskara ikasten du AEKn. Online ikastaroa egiten ari da gurekin eta oso pozik dago. Birusak ez gaitu mututuko, ez horixe! Gora euskara ikasleak!

Iragarri moduan, iazko moduan, mintzodromo-birtuala  egin genuen joan den egunean, eta  ederki asko aritu ginen solasean, taldetan bilduta.   Euskara ikasten ari direnak, irakasleak, herritarrak… Sare sozialak, oporrak eta euskararen aldeko ekimenak izan genituen hizpide. Goizean zein arratsaldean maila ezberdineko 30 lagun inguru elkarturik solasean; hasiera mailakoak ere animatu ziren. Esperientzia ezin hobea, izan zen.

Balorazioak ere onak izan ziren; errepikatzeko moduko esperientzia izan dela diote parte hartu zuten guztiek.

Ikasturtean beste bi antolatuko ditugu; maiatzean bata eta irailean bestea. Hurrengoan gehiago eta hobeto, animatu!