E-uskaltegiko B1 mailako mintza-saioetan, euskara-ikaslearen eskubideez aritu ziren.  Ondorengo zerrenda egin zuten; ziur, zuk osatzen lagundu ahal diguzula, ezta?

EUSKARA-IKASLEAren ESKUBIDEAK:

1.- Euskara dohain ikasteko eskubidea dugu.

2.- Instituzio desberdinetatik, eta denok, diru-laguntzak jasotzeko eskubidea dugu.

3.- Euskarazko ekimenetan eta ekintzetan parte hartu ahal izateko, beherapenak izatea nahikotxo lagunduko liguke.

4.- Lasaiago eta astiroago hitz egiteko eskubidea dugu.

5.- Hiztegi publikoak eskura izatea ez legoke gaizki.

6.- Ez daukagu, derrigorrez, testuak, elkarrizketak… osorik zertan ulertu.

7.- Azterketa ez egiteko eskubidea dugu. Zergatik ez ikasi ,beste barik, ikasi nahi dugulako?

8.- Behin eta berriro hanka sartzeko eskubidea daukagu.

… Bestelako proposamenik? Ondo etorriak izango dira, animatu!

Ingurune natural guztiek, elementu guztiek, bere anima eta bizitza propioa dute: “Izena duenak izana du”.

Ezin ditugu ulertu Euskal Herriko jai asko  eta asko (San Tomas, Santa Ageda, Inauteriak, San Juanak…) hainbat sinesmen eta ohiturarik gabe: natura, eguzkia, ilargia, urtaroak, ama lurra… Eta hori da guk, B1 taldekook egun duguna, hauek guztiak batu eta euskal mitologiaz eta pertsonaiez aritu gara.

Gaur, hona, naturarekin harreman zuzena duten zenbait pertsonaia dakartzagu. Ezagutzen dituzue?

MARI

Naturaren indarra irudikatzen du, eta, bere botere ahaltsuarekin, naturako indarren arteko oreka mantentzen du. Naturaren erregina da, eta, Mari hurbil denean, ekaitza etortzen da.

Jarraitu Neguko jaiak, euskal mitologia, natura, lurra, ilargia, eguzkia,ura, sua, haizea… irakurtzen →

B1 eta C2 atarikoa taldeetako ikaskideok, aste honetan eta hurrengoan, bertsolaritzaren inguruan arituko gara mintza-saioetan; eta espero dugu orri honetatik informazioa jasotzea horren inguruan aritu ahal izateko.

Hasteko esan, guk bi bertsolari handi ekarri ditugula hona, zeuek ere horien berri izan dezazuen eta anima zaitezten beste batzuk ere ona ekarri eta horren inguruko informazioa guri helaraztera.  Hementxe gureak:

Jarraitu Bi bertsolari handi: Sebastian Lizaso eta Andoni Egaña. irakurtzen →