Etiketaren artxiboa: euskara

Euskara ikasteko aholkuak

Sailkatu gabea,

Hona gure taldean bildutako aholkuak:

  • Komenigarria da ordu asko ikastea.
  • Ariketa asko egin behar dituzu.
  • Komenigarria da lotsarik ez izatea hitz egiteko.
  • Lanera joan bitartean irratia euskaraz entzuTEA interesgarria da.
  • Komenigarria da hitz egiTEA lankideekin, lagunekin…
  • Beharrezkoa da jende euskalduna ezaguTZEA.
  • Garrantzitsua da hiztegi ona izaTEA hitzak bilatzeko eta pazientzia handia izaTEA.
  • Komenigarria da gurutzegramak egiTEA.
  • Gogo handia izan behar duzu.
  • Klaseko ikaskideak animatu behar dituzu.
  • Pixkanaka ikasi behar duzu/dugu egunero.
  • Euskarazko web-orriak ezagutu behar dituzu.
  • Ez da komenigarria den-dena konprobatzea.
  • Gauza asko egin nahi duguNEAN ez gara iristen.
  • …

Udako solstizioa zer ote?

B2, C1, C2, Sailkatu gabea, , , ,

Bukatu da udaberria eta udan sartu gara; solstizioak hori adierazten du. Euskal Herri osoan piztuko diren suek sasoi berriaren etorrera iragarriko dute; urteko egun luzeena eta gau motzena izango dugu.

Udako solstizioa edo San Joan eguna? Zer da Euskal Herrian ospatzen dena? Sua, ura eta landareekin lotutako festa paganoa da. Ohitura paganoak dira, baina kristautasunak bere egin zituen, eta guregana kristautasun bezala etorri dira. Beraz, oinarrian, «zainez», paganoak dira.

Sua da protagonista nagusi Euskal Herria guztian leku gehienetan;  bere inguruan bilduko gara dantzan sorginek egiten zuten moduan. Egun bada ikasturtea bukatu dela ospatu eta apunteak bertan erretzen duenik ere. Haren gainetik salto egitea ere ohikoa da, ongi pasatzeko zein espiritu txarrak uxatzeko; suak purifikatu egiten baitu, eta ez, soilik, gorputzak. Senperen, adibidez, ogia, belarrak eta eguzki loreak pasatzen dituzte suaren gainetik, espiritu gaiztoak urrunduko dituztelakoan.

Jarraitu Udako solstizioa zer ote? irakurtzen →

Nola ekin ahozko probei.

B2, C1, C2, ,

Lanari ekin aurrekoak.

  •  Bakarkako lana​ . ​ Alor honek berariazko lanketa eskatzen du, berridazketek, sinonimoek eta idazlanek eskatzen duten bezalaxe. Bertsolarien kartzelako gaiaren irudiaren bidez ulertuko duzu ahozko probaren garrantzia: finalean, kartzelako gaiak erabakitzen du txapela.
  •  Aurreko entrenamendua. Frantziako ​ Tourrean, aurreko asteetan ​ mendi gorenetan
    ibilitako txirrindulariek badute abantaila txiki bat: lasterketaren lehen astean bizkorrago aritzen dira, hauspoetan bor-bor dabilen oxigenoari esker. Beraz, aprobetxa itzazu mintzamena lantzeko dauzkazun aukera guztiak.
  •  Norberaren neurria. ​ Hiztunak jakin behar du zer egin dezakeen eta zer ez. Nork bere maila eta tankera ezagututakoan erabaki dezake zer mugatu eta zertan nabarmendu.
    Hortaz, azterketa-egunean ez da komeni ezer estreinatzea.
  • Grabazioa. ​ ​ Prestaketa-saioetan ezinbestekoa da norberaren ahotsa behin eta berriro entzutea. Ahoskera, arnasa, tonua, abiadura, etenak… apurka-apurka doitzea. Ozen irakurtzea eta zinta batean grabatzea lagungarriak izan dakizkizuke.
  • Erlojua. ​ ​ Entrenamenduetarako tresna aproposa duzu. Zer esanak eta denbora-tarteak elkarrekin egokitzen ikasi beharra dago.

Jarraitu Nola ekin ahozko probei. irakurtzen →

Euskara ikasteko app bilduma

Sailkatu gabea, ,

Autobusean, lagunari itxoiten…noiz aprobetxatzen duzu mugikorra begiratzeko? Eta zer begiratzen duzu? Bada, aprobetxatu momentu horiek euskara ikasteko. Hemen duzue euskara ikasteko APP bilduma.
1. ORTOGRAPP:  ortografia ikasi eta hobetzeko balio duen aplikazioa; Ts, tx, tz, x, s, z, A itsasia…

2. ULERMENAPP:  irakurmena eta entzumena lantzeko baliogarria.

3. ESAMOLDEAPP: euskarazko esamolde eta esaera zaharrak ikasteko tresna. Euskaldun garenontzat ere oso erabilgarria.

4. LOTURAPP: esaldien loturak nola erabili behar diren ikasteko balio du.

5. AEK, EUSKARA PRAKTIKOA:  egunerokotasunean erabiltzen diren hitz, esamolde eta esaldi bilduma. Oso praktikoa da euskara egunerokoan eta kalean nola erabili ikasteko.

Asier Errastik Info 7 irratian emandako azalpenetik hartua da. Osoa entzuteko sakatu hemen.