Etiketaren artxiboa: kultura

Udako solstizioa zer ote?

B2, C1, C2, Sailkatu gabea, , , ,

Bukatu da udaberria eta udan sartu gara; solstizioak hori adierazten du. Euskal Herri osoan piztuko diren suek sasoi berriaren etorrera iragarriko dute; urteko egun luzeena eta gau motzena izango dugu.

Udako solstizioa edo San Joan eguna? Zer da Euskal Herrian ospatzen dena? Sua, ura eta landareekin lotutako festa paganoa da. Ohitura paganoak dira, baina kristautasunak bere egin zituen, eta guregana kristautasun bezala etorri dira. Beraz, oinarrian, «zainez», paganoak dira.

Sua da protagonista nagusi Euskal Herria guztian leku gehienetan;  bere inguruan bilduko gara dantzan sorginek egiten zuten moduan. Egun bada ikasturtea bukatu dela ospatu eta apunteak bertan erretzen duenik ere. Haren gainetik salto egitea ere ohikoa da, ongi pasatzeko zein espiritu txarrak uxatzeko; suak purifikatu egiten baitu, eta ez, soilik, gorputzak. Senperen, adibidez, ogia, belarrak eta eguzki loreak pasatzen dituzte suaren gainetik, espiritu gaiztoak urrunduko dituztelakoan.

Jarraitu Udako solstizioa zer ote? irakurtzen →

Nola ekin ahozko probei.

B2, C1, C2, ,

Lanari ekin aurrekoak.

  •  Bakarkako lana​ . ​ Alor honek berariazko lanketa eskatzen du, berridazketek, sinonimoek eta idazlanek eskatzen duten bezalaxe. Bertsolarien kartzelako gaiaren irudiaren bidez ulertuko duzu ahozko probaren garrantzia: finalean, kartzelako gaiak erabakitzen du txapela.
  •  Aurreko entrenamendua. Frantziako ​ Tourrean, aurreko asteetan ​ mendi gorenetan
    ibilitako txirrindulariek badute abantaila txiki bat: lasterketaren lehen astean bizkorrago aritzen dira, hauspoetan bor-bor dabilen oxigenoari esker. Beraz, aprobetxa itzazu mintzamena lantzeko dauzkazun aukera guztiak.
  •  Norberaren neurria. ​ Hiztunak jakin behar du zer egin dezakeen eta zer ez. Nork bere maila eta tankera ezagututakoan erabaki dezake zer mugatu eta zertan nabarmendu.
    Hortaz, azterketa-egunean ez da komeni ezer estreinatzea.
  • Grabazioa. ​ ​ Prestaketa-saioetan ezinbestekoa da norberaren ahotsa behin eta berriro entzutea. Ahoskera, arnasa, tonua, abiadura, etenak… apurka-apurka doitzea. Ozen irakurtzea eta zinta batean grabatzea lagungarriak izan dakizkizuke.
  • Erlojua. ​ ​ Entrenamenduetarako tresna aproposa duzu. Zer esanak eta denbora-tarteak elkarrekin egokitzen ikasi beharra dago.

Jarraitu Nola ekin ahozko probei. irakurtzen →

Mintzodromo birtuala!

A1, A2, B1, B2, C1, C2, ,
Ekainaren 1ean, ostirala, E-uskaltegian mintzodromo birtuala egiteko asmoa dugu.
Euskara ikasten hainbat ikasle ari dira-munduan zehar zein Euskal Herrian-online ikastaroetan AEKn: Rio de Janeiro, Canariar irletan, Bartzelonan, Salamancan, Argentinan, Parisen…
Mintzodromo birtualaren helburua da eskolaz kanpo euskararen erabilera bultzatzea. Ikastaroetan euskara ikasten ari direnak eta euskaldunak elkartu, solasean jarri eta euskaraz aritzea.
Partaideak lau-seinaka bildu eta interes orokorreko gaiez arituko dira berriketan ordu erdiko hiru txandetan; bakoitza amaitu ostean beste gela batera mugituko beharko dute; partaideek ahalik eta jende gehienarekin hitz egiteko. Izendatutako dinamizatzaile bat egongo da bakoitzean.
Egunerokotasuna duten gaiak landuko dira bertan.  Batetik, sare sozialen inguruan arituko dira; bestetik,  gazteen eta helduen inguruan; azkenik, oporrak, bidaiak eta turismoa izango dituzte eztabaidagai.
Parte hartu nahi baduzue aukeratu zein ordutegitan ahal edo nahi duzuen; bietan bada aukera biak jarri. Izena emateko azken eguna maiatzaren 28a, asteartea, izango da. Izena emateko sakatu hemen.
Animatu eta parte hartu!