Deskantsua beharrezkoa da ekinean ei dabilentzat. Ekinean ibili naizenez gero, oporrak familiarekin eta aspaldi egon gabeko lagunekin pasa ditut. Bilbon eta Mendatan, Mendatan eta Bilbon.

Ez dut ezer berezirik egin oporretan. Etxean izan gara lasai-lasai, baina ahal izan dugunean, egin dugu irteeratxoren bat edo beste: Getxoko Portu Zaharrean, Laidan, Santimamiñen, Deban…

Argazkia oporretako lehen egunekoa duzue. Iruñean, Korrika amaieran ateratakoa. Egun itzela izan genuen, ezta?

Ez, ez naiz Irlandan izan, baina herrialde hartakoak izan ditugu bisitan Aste Santuan. Lisa Hannigan eta bere banda Bilboko Kafe Antzokian izan zen apirilaren 20an eta Lisaren ahots ederraz eta abesti liluragarriez gozatu genuen. Aspaldiko partez eserita egon ginen kontzertu batean, garagardoa eskuan, eta albokoekin oholtza gainean gertatzen ari zirenak komentatzen.

Jarraitu Irlanda aldeko doinuetan irakurtzen →