andoni-t-(r)en bidalketa guztiak

Bideo-laguntzak ikastaroari aurre egiteko

Sailkatu gabea, , , , ,

Aspaldi dugu E-uskaltegikoek kanala Youtuben. Urteen poderioz hirurehun bideo baino gehiago bildu ditugu bertan. Gehienak gure ikastaroetan erabiltzen ditugun baliabideen gaineko bideo-tutorial laburrak dira. Batzuk irakasleei zuzenduak, besteak, berriz, ikasleentzat.

Imajinatzen duzunez, hainbat denboran bideo hauetako asko zaharkituta geratu dira, beste batzuk, ordea, aproposak dira ikastaroa egiten ari zaren bitartean erabiltzeko. Horiek eskuratzeko modua errazteko kanala eguneratu berri dugu. Hemen duzu azalpen laburra:

Hori dela-eta, bi erreprodukzio zerrendetan bildu ditugu ikasleontzat erabilgarriak izan daitezkeenak:

  1. Moodle ikasleentzat.
  2. Gaitasun digitalak ikasleentzat. (Moodlez aparteko sareko tresna eta baliabideak erabiltzeko).

Hainbat galdera eta zalantza erantzuten laguntzeaz gain, agian, sekula egin ez zenuen zerbait egiteko modua topatuko duzu bideo-tutorial horietan: bideo bat editatu Openshot erabiliz, azpitituluak jarri Youtubeko bideoren bati…

Espero dugu aukeraketa erabilgarri gertatzea. Azkenik, bideo honetan duzue kanala erabiltzeko azalpena.

Oparitxo bat

Sailkatu gabea

Ez, ez gara gu ibili opariak biltzen. Azkue fundazioa izan da euskarazko interneteko baliabideak gune bakarrean bildu dituena. Sarea.eus du izena bilgune horrek eta hemen duzu aurkezpen zabalagoa. Hala eta guztiz ere opari ezin hobea iruditu zaigu. Beraz Eskerrik asko.

1000 baliabide baino gehiago bildu dituzte, eta askotarikoak dira, horregatik modu askotara bilaketak egiteko modua ematen du orrialdeak:

  • Baliabide mota: audioa, bideoa, webgunea, aplikazioa…
  • Sistema edo formatuaren araberakoa: Chrome, Firefox…
  • Gaiaren araberakoa: hedabideak, kultura, bizimodua…
  • Erabileraren araberakoa: gazteentzat, hiztegia, jokoa, tutoriala…

Beraz ez da zaila izango interesgarria gertatuko zaizun baliabideren bat topatzea. Helbide honetan duzu biltegia: https://sarea.eus

Egin daiteke ikastaroa smartphonea erabiliz?

Sailkatu gabea

Galdera erraza da erantzuten, bai eta ez. Jarduera batzuk ongi egin daitezke sakelakoan eta beste batzuk ez.  Horrek zer ikusia du Moodle mobilen garapenarekin. Geuk erabiltzen dugun Moodlen bertsioak adibidez aukera asko ematen ditu sakelakoa erabiliz ikastaroan aritzeko, baina oraindik konplikatua da hainbat gauza egitea. Adibidez erraza da:

  • Foroetako mezuak jaso eta erantzutea.
  • Mezu pertsonalak jaso eta erantzutea.
  • Galdetegiak erantztea.
  • Inkestak erantzutea.
  • Wikiak osatzea.
  • ….

Beste batzuk, berriz ezinezkoak dira:

  • Mintza-gela erabiltzea.
  • Gure burua Podll erabiliz grabatzea.
  • Zeregin batzuk burutzea.

Hori dela-eta, zera egin dugu; ikastaro batean sartu gara, smartphonea erabiliz, eta bertako lanak egiten saiatu gara. Guztia grabatu dugu eta hemen daukazue emaitza.

Bideo luze samarra da (9 minutu) baina espero dugu baliagarri gertatzea.

Nola instalatu eta probatu Moodle aplikazioa zure sakelakoan?

  1. Jaitsi eta instalatu aplikazioa Google Play edo App Storetik.
  2. Logatu gure GUNEAN www.egela.aek.eus
  3. Erabili aurretik dituzun izen eta pasahitzak.
  4. Behin hori eginda, Moodlen ikonoa sakatzen baduzu zure telefonoan, zuzenean, E-uskaltegira helduko zara.

Egin proba eta trasteatu ea zer iruditzen zaizuen.