Euskaldun petoak garen ala ez jakiteko, inkesta bat bete genuen jolas modura, gure hizkuntza ohiturak eta euskal kulturaz dugun ezagutza eta kontsumoa aztertzeko. Inkesta honen azken galderan, bi euskal arketipo aukeratu behar izan zituen bakoitzak, bata emakumezkoa eta bestea gizonezkoa. Proposamen guztiak jaso eta bozketa egin ondoren, honako bi hauek izan dira garaile B2 taldean: Edurne Pasaban eta Nestor Basterretxea. Mintza-talde bakoitzak, Txori goiztiarrak eta Kantauri izenekoek, bakoitzaren biografia prestatu dute eta baita aukeratu izanaren arrazoiak ere.
EDURNE PASABAN
Edurne Pasaban Lizarribar (Tolosa, Gipuzkoa, 1973ko abuztuaren 1a) alpinista da, munduko hamalau zortzimilakoak igo dituen lehen emakumea. 2001ean igo zuen lehen zortzimilakoa eta 9 urte ondoren, 2010ean, osatu zituen hamalau zortzimilakoak Pasabanek.[1] Edurneren babesle nagusia Televisión Española (TVE) da, eta Al filo de lo imposible programak bere azken 8 igoeretan lagundu dio. 2011. urtean, Euskal Herria eta euskal herritarrak munduan zehar egoki ordezkatzeagatik, Euskal Herritar Unibertsala Saria eman zioten.
Gaur egun, Bartzelonan bizi da, eta hitzaldiak eman ohi ditu ESADEn. Entrenatzaile izateko ahaleginetan ari da, eta bere burua entrenatzen ematen du egunean 3 edo 4 bat ordu, San Cugateko Goi Errendimenduko Zentroan. Horretaz gain, Zizurkilen (Gipuzkoa) dagoen landa turismoko Abeletxe etxe-jatetxearen jabe eta Kabi trekking enpresaren buru ere bada.
- Zergatik aukeratu dugu?
A. Azkarra eta argia delako.
B. Ausarta eta burutsua delako.
D. Langilea, arduratsua eta gogorra izateagatik.
E. Munduan dauden 14 zortzi milakoak igo zituen lehen emakumea izateagatik.
F. Euskal Herritar Unibertsala izateagatik.
NESTOR BASTERRETXEA
Nestor Basterretxea Artzadun, Bermeon 1924ko maiatzaren 6an jaio zen, eta Hondarribian 2014ko uztailaren 12an hil zen. Euskal Herriko margolari, eskultorea, eta zinematografoa izan zen. Baina mundu osoan ospetsua izatea lortu zuen. Leku askotan bizi izan zen eta, Espainian, Frantzian, Argentinan, eta leku guztietan bere eskulturak utzi zituen. Baina, ez zuen leku bakoitzean asko iraun, izan ere, bere familiarekin alde egin behar izan zuen gerrak zirela eta.
Bere lehen lanak, Buenos Airesen Emilio Pettoruti pintorearekin egin zituen, eta Jose Clemente Orozco mexikar moralistaren eragin sakona nabarmentzen da, baita bizitako gerrak ere.
Bere bizitzan zehar, sari asko eskuratu ditu, mundu guztian. Euskal Herrian 1984an egin zuen, Gasteizko Eusko Legebiltzarrerako eskultura-sinboloa ikusgarriena eta ospetsuena da.
50eko hamarkadaren amaieran abangoardiako talde ospetsu bat agertu zen, esate baterako, Oteiza, Txillida, Basterretxea, Mendiburu, Ruiz Balerdi, Amable Arias edo Sistiaga… zaku berean sartuta daude. Horrela, artista multzo honi Equipo 57 izena jartzea erabaki zuten, Gaur taldea bezala ezagutzen duguna.
- Zergatik aukeratu dugu ?
Nestor Basterretxea Euskal Herriko arketipo aukeratu dugu hiru arrazoirengatik:
- Mundu guztiari ARTEA zer den erakutsi diolako, eta horrekin batera Euskal Herriko zatitxo bat leku askotara eraman duelako.
- Bere azken uneetaraino ARTEAREN garrantzia erakutsi digulako.
- Oso gizon langilea izan delako, eta bizirautea zer den erakutsi digulako.
Comments